الجملة دي . . قولتها امبارح . . كنت حاساها أوي

فدخلت كتبت ع الايميل " من بكرة حياتي هتتغير " وكل شوية يسألوني ايه فيه ايه ازاي امتي مين ليه

واعمل فيها إني مهمة بقي وأقولهم ورايا حاجات كتيـــــــر اعملها

( أيوة ما هيه برضه البلان محتاجة روقان بال مع كوباية شاي بالنعناع )

. .

اللي أنا حاساه إن الواحد ضيع وقت كتيـــــر . . وفرصة التغيير بتجيله كتير . . وللأسف ( مش بينتهزها )

فقررت انتهزها المرة دي . . طب ما أنا نفسي اغير العالم كله

ممكن يحصل بس بشرط ( ابدأ بنفسي )

وبكده اطلع بأول شعار في حياتي . . هكتبه واعلقه ادامي وفي كل مكان :)

( عـــــايز تغير . . اتغير )

حاسة إني واثقة في نفسي . . وإني هحقق أهدافي . . محتاجة تفكير جامد . . ووقفة مع النفس

حساب . . وهحس بصراع داخلي . . وهيأس وهضعف . .

لكـــــــــــــــن , , ,

أنا أقوي من كده . . وهقدر واعافر . . عشان أنا عايزة اعيش سعيدة طول حياتي واسعد اللي حواليا

ومن هنا اقدر اصنع الفرق

واقول ساعتها ( حياتي كانت كذا . . وبقت كذا ) بإذن الله للأحسن

والله ع ما أقول شهيد

وتبقي كلماتي هنا خير إثبات لما أمر به من تغيير